Symre betyr «blom som varslar sommar». Det er eit teikn på at alt skal vekse og gro igjen.

Symre-søstrene

Symre hudkrem er laga av to søstrer på ein vakker vestlandsgard – i pakt med natur og økosystem. Me elskar å vera ute på ski, fjelltur, sopptur, sanke bær og ville vekstar og ikkje minst yoga. Me er for det meste saman 24/7, både når me arbeider med Symre og på fritida.

På ein vakker vestlandsgard

Garden vår – Een gard – ligg på Voss oppunder fjellet Lønahorgi. Me er ei familiebedrift, med heile fire generasjonar som bur i same tun. Her hjelper både små og store til ved behov.

Me har grasfôra storfe av den lokale og bevaringsverdige gamalrasen Vestlandsk fjordfe, og garden vert drive etter økologiske og regenerative prinsipp. Det vil sei at me ikkje nyttar sprøytemiddel og at me arbeider aktivt for å ta vare på økosystem og eit rikt jordliv.

Me arbeider i takt med årstidene og med utgangspunkt i det garden har å by på. I tråd med vår filosofi om å nytte heile dyret frå hovud til hale, så lagar me hudkrem av talget. Dyra våre går fritt ute på inn- og utmarksbeite store deler av året. Inne går dei fritt rundt i lausdrift og har tilgang på luftegard. Kalv og mor får vera saman. Me vil drive eit framtidsretta jordbruk på lag med klima og miljø.

  • Silje med familien på garden

  • Tonje er sjølvaste Symre-sjefen!

  • Ein av dei fine kalvane våre

Talg og ville vekstar frå utmark

Å lage hudpleie av talg er ein tradisjon som går mange hundre år tilbake i tid. Det er ein gløymt skatt i vår tid – ein ressurs me må ta vare på!

Talg av grasfôra storfe har særs lik feittsyreprofil som huda vår. Den inneheld dei feittløyselege vitaminane A, D, K og E. Kort sagt inneheld talg alt det gode huda vår treng.

I tillegg til talg inneheld hudkremane våre berre 2–3 andre ingrediensar. Meir treng ein ikkje, og slik er det enkelt å vite kva du smører på huda di. Me haustar plantar som ryllik, raudkløver, løvetann, groblad og mynte frå inn- og utmark. I tillegg til nøye utvalde økologiske oljer av høg kvalitet

Les meir om talg i hudpleie her!

Handlaga kvalitets-produkt

Alle hudkremane våre er handlaga av oss, og dei er sertifisert gjennom merkevareordninga Norwegian Made. Når du kjøper eit produkt merka med Norwegian Made støttar du bærekraftig, grøn og etisk produksjon. Du kjøper noko som er laga for å vare, som er laga med kjærleik.

Hudkremane våre er også registrerte etter norsk lov og godkjente sikkerheitsrapportar. Slik kan du vera heilt trygg på det du kjøper.

Som vår kunde støttar du eit framtidsretta jordbruk basert på god dyrevelferd og til det beste for miljø og klima. Du støttar produksjon av handlaga, ærlige og lokale varer og kvinnelege småskalaprodusentar.

Sjå heile utvalet vårt av hudpleie her!

Eventyret starta med handkrem og universalkrem

Eg, Silje, har alltid hatt så utruleg tørre hender, med sår og sprekker etter mykje utearbeid på garden. Eg leita veldig lenge etter ein krem som kunne hjelpe, men fann ingen ... slik vart Symre fødd! Me visste at talg tradisjonelt sett har vore mykje brukt til hudpleie på norske gardar, men det var langt tilbake i tid, ein kunnskap som hadde gått i gløymeboka. Men me bestemte oss for å teste det ut. Og gjett om det fungerte! Slik vart det aller første produktet vårt til – handkrem med furunålolje. Kort tid etter kom universalkremane våre – ein universalkrem naturell og ein med mynte. Målet med desse første produkta var å lage kremar som gav mykje fuktigheit og lindring, men samstundes bruke få og naturlege ingrediensar.

Kjøp her!